العرض
إحنا بنتحمّل المخاطرة، مش إنت
أغلب البراندات بتطلب منك تشتري البضاعة وتجرّب حظك فيها. إحنا بنعكس المعادلة.
صفر تكلفة عليك
ما بتدفع ولا قرش قدام. لا للستاند، ولا للبضاعة، ولا للتصاميم.
نسبة على كل مبيعة
بتاخد نسبتك من كل قطعة بتنباع من عندك، وبنحاسبك بشكل منتظم.
تعبئة خلال ٤٨ ساعة
المقاس أو اللون اللي بيخلص، بنرجع نعبّيه خلال يومين. الرف ما بيضل فاضي.
أو جملة، إذا بتفضّل
إذا بتحب تملك البضاعة وتحدد سعرك، في خيار الجملة كمان. احكيلنا شو بريحك.
وإذا ما نجحت؟ بنرجع ناخد كل اللي ما انباع، على حسابنا، وما بتخسر إشي غير إنك جربت. كل قطعة بنحطها عندك بتنكتب وبنوقّع عليها إحنا الاثنين، فما بيصير خلاف على شو موجود عندك.
الستاند
ستاند كامل، بنركّبه إحنا
بياخد أقل من متر مربع من محلك، وبنركّبه ونعبّيه إحنا. إنت ما بتعمل إشي.
البضاعة
شو اللي رح يكون على الرف
مش تيشيرتات عادية عليها رسمة. القماش والقصّة والتصميم مشتغلين مع بعض، وبيضلّوا زي ما هم بعد الغسيل.
| القماش | 65% قطن / 35% بوليستر |
|---|---|
| الوزن | 200–250 غرام |
| الألوان | 5–6 ألوان لكل تصميم |
| القصّات | أوفرسايز، وvintage wash |
| التصاميم | 57 تصميم، كلها من عنّا — ما بنشتري تصاميم جاهزة |
PHOTO 2
PHOTO 3
PHOTO 4
التصاميم
ما رح نخليك تختار من ٥٧ تصميم
بنسألك زباينك مين، وبنجهّزلك تشكيلة على مقاس محلك. إنت بتوافق أو بتغيّر، وبس. كلها من نفس الخط — هوية عربية أردنية — بس التشكيلة بتفرق حسب المحل.
الكلام
أمثال وكلام بنسمعه من صغرنا، بدون شرح. اللي بيفهمه بيشتريه على طول — وهاد بالظبط المقصود.
النقش والرمز
تفاصيل من الشماغ والزخرفة، مشتغلة بشكل حديث. للزباين اللي بيحبوا التفصيل أكثر من الكلام.
قصّة الجيم
نفس التصاميم بقصّة رياضية. للمحلات اللي جنب جيم أو زباينها شباب رياضيين.
مين إحنا
لبس بيحكي من وين إنت، بدون ما يكون تذكار سياحي
زبونك الشاب بده يلبس إشي إله علاقة فيه — بس مش الشغلات اللي بتتباع للسياح بوسط البلد. هاي المساحة اللي إحنا فيها: تراثنا، بس مصمّم بشكل حديث يلبسه شب بالعشرينات بدون ما يحس حاله لابس تذكار.
واسمنا؟ الجمرة الصغيرة اللي لسا شغّالة تحت الرماد — اللي ما انطفى من ثقافتنا، ولسا فيه يولّع.
ما بنصمّم إشي أي سايح بيفهمه
هاي القاعدة اللي بنمشي عليها بكل تصميم. النقشة العامة اللي أي زائر بيفهمها ما بتدخل عنّا. بس المثل اللي سمعته من ستك، أو الرمز اللي بس ابن البلد بيلتقطه — هاد اللي بنشتغل عليه. وزبونك لما بيفهمه، بيحس إنه إلنا، مش إنه اشترى قميص.
كيف بتصير
أربع خطوات، وأسبوع
-
01
مكالمة قصيرة
عشر دقايق نحكي فيهم عن محلك ومين زباينك.
-
02
بنرشّحلك الفئة
بنجيبلك عيّنات من الفئة اللي بنشوفها بتناسب محلك، وبتشوفها بإيدك.
-
03
بنركّب الستاند
بنيجي بنركّبه ونعبّيه، وبنكتب كل قطعة وبنوقّع عليها سوا.
-
04
بنمرّ كل أسبوعين
بنعبّي الناقص، بنحاسبك على اللي انباع، وبنغيّر اللي مش ماشي.
تواصل
جرّب ستاند واحد وشوف
ما في عقد طويل ولا التزام. ستاند واحد، ٦٠ يوم، وإذا ما مشي بنرجع ناخده.
078 621 3703